اسلام آباد؛ ایف آئی اے کی کاروائی ،کرپشن، بدعنوانی اور دھوکہ دہی میں ملوث سرکاری افسر سمیت 6 ملزمان کو گرفتار کر لیا۔
ایف آئی اے اینٹی کرپشن سرکل اسلام آباد نے بڑی کاروائی میں سرکاری اہلکار سمیت 6 ملزمان کو گرفتار کر لیا۔ ترجمان ایف آئی اےکے مطابق
گرفتار ملزمان میں محمد منیر، عابد علی، محمد عمران، عماد احمد، سعد احمد اور اشتیاق احمد شامل ہیں۔ملزم محمد منیر ایف جی ای ایچ ایف میں بطور ڈپٹی ڈائریکٹر تعینات تھا۔
دیگر گرفتار ملزمان کرپشن اور دھوکہ دہی سے حاصل کردہ رقوم کے بینیفشری ہیں۔
ابتدائی تفتیش کے مطابق ملزمان اختیارات کا ناجائز استعمال کرنے، جعل سازی اور دھوکہ دہی میں ملوث ہیں۔
گرفتار ملزمان موضع تھلہ سیداں جی 14 کی سب سیکٹرز کے سپلیمنٹری ایوارڈ آف بلٹ اپ پراپرٹیز (BUPs) میں جعل سازی اور کرپشن میں ملوث ہیں۔
ملزمان نے مبینہ طور پر اصل مالکان کو دیے جانے والے بی یو پیز کے ساتھ ساتھ 5 بی یو پیز پر غیر قانونی طور پر پرائیویٹ افراد کو شریک مالک ظاہر کیا۔
پرائیویٹ افراد نےجعلی کوائف کی بنیاد پر رقوم حاصل کیں۔
ملزمان نے سرکاری اہلکاروں کی ملی بھگت سے مذکورہ جعلسازی کی ۔
مذکورہ جعلسازی سے قومی خزانے کو لاکھوں روپے کا نقصان پہنچا۔
ملزمان کو گرفتار کر کے تفتیش کا آغاز کر دیا گیا ہے ۔
