سائرہ یوسف اور شہروز سبزواری ایک بار پھر ساتھ ساتھ

کراچی (جرات نیوز) پاکستان شوبز انڈسٹر ی کی سابق جوڑی اداکار شہروز سبزواری اور اداکارہ سائرہ یوسف کی فلم کی شوٹنگ کا آغاز ہو گیا ہے۔پاکستان کی خوبرو اداکارہ سائرہ یوسف کی جانب سیاپنے انسٹا گرام اکاونٹ پر اپنی ایک خوبصورت تصویر شیئر کی گئی ہے جس پر ان کے مداحوں سمیت پاکستان شوبز انڈسٹری کی معروف شخصیات کی جانب سے خوب تعریفوں کے پل باندھے جا رہے ہیں۔سائرہ شہروز کی جانب سے شیئر کی گئی نئی تصویر میں انہوں نے سیاہ رنگ کا ایک مغربی لباس زیب تن کر رکھا ہے جس میں وہ نہایت حسین اور پر اعتماد نظر آ رہی ہیں۔ دوسری جانب پاکستان سوشل میڈیا پیجز پر سائرہ یوسف کی اس تصویر سے متعلق کہا جا رہا ہے کہ وہ آ ج کل سابق شوہر، معروف اداکار شہروز سبزواری کے ساتھ اپنی آنے والی فلم کی شوٹنگ میں مصروف ہیں۔یہ جوڑا اب حقیقی زندگی میں تو ایک ساتھ نہیں ہے مگر دونوں کے مداحوں کی جانب سے انہیں ایک ساتھ اسکرین پر دیکھنے سے متعلق کافی بے تابی کا اظہار کیا جا رہا ہے۔واضح رہے کہ سائرہ اور شہروز میں علیحدگی کو ایک سال سے زائد کا عرصہ بیت گیا ہے مگر اب تک سائرہ کی جانب سے اپنے سوشل میڈیا اکاونٹ پر اپنے یوزر نیم سے شہروز سبزواری کا نام نہیں ہٹایا گیا ہے۔

اپنا تبصرہ بھیجیں