چین، ملبوسات کی صنعت میں پہلے دو مہینوں کے دوران مزید بحالی دیکھی گئی

بیجنگ (جرات نیوز)چین کی ملبوسات کی صنعت نے سال کے پہلے دو مہینوں میں مسلسل بحالی دیکھی ہے۔وزارت صنعت و انفارمیشن ٹیکنالوجی کے مطابق جنوری سے فروری تک ملبوسات کے بڑے چینی کاروباری اداروں نے ایک سال پہلے کی نسبت مشترکہ پیداوار میں 38.4 فیصد اضافہ کے ساتھ 3.4 ارب گا رمنٹسمصنوعات بنائی ہیں۔اس عرصہ کے دوران 12 ہزار438 بڑی گارمنٹس کمپنیوں کی مشترکہ خالص آمدنی 179.2 ارب یوآن (تقریبا 27.4 ارب امریکی ڈالرز) رہی جو گزشتہ سال کی نسبت 21.4 فیصد زیادہ تھی۔کل منافع ایک سال پہلے کے مقابلے میں 42.8 فیصد اضافے کے ساتھ 7.8 ارب یوآن تک پہنچ گیا۔وزارت کے مطابق چین کی ملبوسات کی صنعت میں کئی اشاروں میں تیزی کے ساتھ بحالی کے آثار دکھائی دے رہے ہیں تاہم اس کی ابھی تک وبا سے پہلے کی سطح پر واپسی نہیں ہوئی۔تازہ ترین اعدادوشمارسے ظاہر ہوتا ہے کہ چین میں ملبوسات بارے مصنوعات کی آن لائن پر چون فروخت میں پہلے دو ماہ کے دوران گز شتہ سال کی نسبت 44.3 فیصد کا اضافہ ہوا جبکہ ملکی ملبوسات کی برآمدات گز شتہ سال کی نسبت 50 فیصد اضافے کے ساتھ 24 ارب امریکی ڈالرز ہوگئیں۔

اپنا تبصرہ بھیجیں