جھوٹی خبروں نے ٹیڑھے لوگو والے آئی فون کو قیمتی بنا دیا

اوکی ناوا(جرات نیوز): سوشل میڈیا پر جھوٹی خبروں نے ٹیڑھے اور کھسکے ہوئے لوگو والے آئی فون 11 کو اس کی اصل قیمت سے کہیں زیادہ مہنگا بنا دیا۔ خبروں کے مطابق، گزشتہ ہفتے ’’انٹرنل آرکائیو‘‘ نامی ایک ٹوئٹر اکاؤنٹ سے آئی فون 11 کی کچھ تصویریں شیئر کرائی گئیں جن پر ایپل کارپوریشن کا لوگو معمولی سا ٹیڑھا اور اپنی جگہ سے معمولی سا کھسکا ہوا تھا۔ ٹویٹ میں لکھا تھا کہ یہ آئی فون 11 بہت نایاب ہے اور 2700 ڈالر میں فروخت ہوا ہے، کیونکہ دس کروڑ میں سے کوئی ایک آئی فون ہی ایسا ہوتا ہے کہ جس پر لوگو غلط چھپ جائے۔


اس ٹویٹ اور متعلقہ خبر کے بعد دیکھتے ہی دیکھتے سوشل میڈیا پر پوسٹس اور ویڈیوز کا انبار لگ گیا جبکہ ایسی ہر ویڈیو میں اس آئی فون 11 کے بارے میں خوب بڑھا چڑھا کر سچی جھوٹی باتیں بیان کی گئی تھیں۔

اپنا تبصرہ بھیجیں