کاربن ڈائی آکسائیڈ جذب کرنے والی عمارتوں کا ڈیزائن پیش

کیلیفورنیا: امریکی کمپنی نے ایسی ماحول دوست عمارتوں کا ڈیزائن پیش کیا ہے جو ہوا سے کاربن ڈائی آکسائیڈ جذب کر کے فضائی آلودگی کم کریں گی۔میڈیا رپورٹ کے مطابق منصوبے کو “سکڈ مور ، اوئنگ اینڈ میرل” نامی تعمیراتی ادارے نے “اربن سیکوئیا” کا نام دیا ہے، یہ وسیع رقبے پر پھیلی اونچی اونچی عمارتوں کا منصوبہ ہے جنہیں خاص انداز میں اس طرح تعمیر کیا جائےگا کہ وہ رہائش فراہم کرنے کے علاوہ کاربن ڈائی آکسائیڈ جذب کرنے والے ٹاوروں کا کام بھی کریں گی۔
عمارتوں کی ہر منزل پر پودے رکھے جائیں گے لیکن ساتھ ہی چند منزلوں کے بعد ایک منزل درختوں کیلئے وقف ہو گی۔ ہر دو منزلوں کے درمیان خاص جگہ رکھی جائے گی جس میں کاربن ڈائی آکسائیڈ جذب ہو کر فلٹریشن سسٹم سے گذرے گی اور خاص پائپوں سے ہوتی ہوئی درختوں اور پودوں والے حصے تک پہنچا دی جائے گی۔ منصوبہ سال میں ایک ہزار ٹن کاربن ڈائی آکسائیڈ جذب کر سکے گا۔

اپنا تبصرہ بھیجیں