سندھ رینجرزاورکسٹم حکام نے مختلف علاقوں میں مشترکہ کارروائیاں کرتے ہوئے کروڑں روپے مالیت کی نان کسٹم پیڈ اشیا برآمد کرکے 9 ملزمان کو گرفتار کرلیا۔
سندھ رینجرزاور کسٹم حکام کی جانب سے اسمگلنگ کی روک تھام کے لیئے آپریشنز کا سلسلہ جاری ہے۔ سندھ رینجرزاور کسٹمز نے خفیہ معلومات کی بنیاد پر سندھ بلوچستان بارڈر پرواقع حب چیک پوسٹ، حب ریورروڈ، اتحاد ٹاؤن،اورنگی ٹاؤن منگھو پیراور پولیس اسٹیشن پیر آباد پختون مارکیٹ بنارس کے علاقوں سے مختلف مشترکہ کاروائیوں کے دوران 9ملزمان کو گرفتار کر کے ان کے قبضے سے نان کسٹم پیڈاشیاء برآمد کرلیں۔
برآمد کی گئی اشیا میں کپڑا،سگریٹ، ایرانی ڈیزل، الیکٹرک آئٹمز،انجن ائل، مختلف اقسام کے کاسمیٹکس کا سامان، واشنگ پاوڈر،چھالیہ،لیپ ٹاپ، خشک دودھ، چاکلیٹ، ٹافیاں، ٹائرز،چائنہ نمک، روزمرہ استعمال کاسامان اورمختلف نوعیت کی اشیاء خوردنوش شامل ہیں۔
گرفتار ملزمان اسمگل شدہ سامان بسوں اورٹرکوں کے خفیہ خانوں میں چھپا کر بلو چستان سے کراچی اسمگل کررہے تھے۔برآمد کیے گئے سامان کی مالیت کروڑں روپے ہے۔ گرفتار ملزمان اور برآمد شدہ نان کسٹم پیڈ اشیاء مزید قانونی کاروائی کے لیے کسٹم حکام کے حوالے کر د ی گئی ہیں۔